Opið Hús í Grófinni

Grófin Geðrækt er aftur komin á fullt skrið eftir flutninga og undirbúningur fyrir söluátak Lausu skrúfunnar í febrúar er hafinn. En áður en að því kemur - og fyrst við teljum nýja húsnæðið okkar vera orðið sýningarhæft, er ekkert annað í stöðunni en að halda opið hús! Grófin Geðrækt býður í heimsókn fimmtudaginn 23. janúar á milli 15 og 17. Ilmandi kaffi og kleinur verða á boðstólnum.

Nýja heimilsfangið okkar er Hafnarstræti 97, 6. hæð. Innganga má finna bæði á fyrstu hæð í Hafnarstræti og fimmtu hæð við Gilsbakkaveg.

Komið, skoðið nýja rýmið okkar og takið spjallið við okkur og aðra góða gesti.

Allir velkomnir!